Дуровнинг Россиядаги квартирасига “гумонланувчи Дуров П. В.” номига чақирув қоғози келди

Telegram асосчиси Павел Дуров Россиядаги квартирасига почта орқали чақирув қоғози келганини маълум қилди.

"Мен 20 йил олдин яшаган Россиядаги квартирага “гумонланувчи Дуров П. В.” номига чақирув қоғози келди. Эҳтимол, мени сўз эркинлиги ҳамда ёзишмалар сирини сақлаш ҳуқуқини кафолатловчи Россия Конституциясининг 29 ва 23-моддаларини ҳимоя қилаётганим учун гумон қилишаётгандир. Ўз айбим билан фахрланаман!", — деб ёзди Дуров 22 апрел оқшомида ўзининг Теlegram-каналида.

Дуровга бу хабарни айнан ким юборгани маълум эмас. У ўзининг Теlegram-каналида эълон қилган суратга қараганда, бу “Россия Почтаси”нинг буюртма хат келганлиги ҳақидаги хабарнома бланкаси.