Анқарадаги Дипломатик алоқалар ва сиёсий тадқиқотлар маркази (DIPAM) раҳбари Толға Сакманнинг таъкидлашича, халқаро ҳамжамият Исроилнинг ядровий фаолиятига нисбатан кузатувсизлик ва сукут билан ёндашмоқда. У бу ҳақда «Анадолу» агентлигига ёзган таҳлилий мақоласида маълум қилди.
Сакман таъкидлаганидек, Исроил ҳанузгача Ядровий қуролларни тарқатмаслик тўғрисидаги шартнома (NPT)га қўшилмаган ва ўз ядровий имкониятларини ошкор этмаган. Унинг фикрича, бу халқаро меъёрларга зид бўлиб, минтақавий барқарорлик ва хавфсизликка жиддий таҳдид солади.
🔹 Икки юзламачилик аломати — таҳлилчига кўра, дунё мамлакатлари Эрон ядровий дастурига нисбатан қаттиқ босим ўтказар экан, Исроилга нисбатан кузатув ва танқидлар деярли мавжуд эмас.
🔹 МАГАТЭ нима учун сукутда? — Исроилдаги ядровий иншоотлар, жумладан Димона реактори, ҳеч қачон тўлиқ текширувдан ўтказилмаган. Бу эса ядровий қуролларни назорат қилиш бўйича халқаро тизимдаги катта бўшлиқни кўрсатади.
🔹 Чақирув — Сакман халқаро ташкилотларни ядровий тенглик ва адолатни таъминлашга, Исроил фаолиятини очиқ ва ошкора текширишга чақирди. Унинг таъкидлашича, акс ҳолда, Яқин Шарқда ядровий қуролланиш пойгаси янада кучайиши мумкин.
Бу мақола халқаро майдонда Исроилнинг ядровий сиёсати бўйича сукут сақланаётгани ҳақидаги жиддий баҳсларни яна бир бор кун тартибига чиқарди.
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
Марказий Осиёдаги қурғоқчилик Россия билан муносабатларни кескинлаштирмоқда
