Дуда АҚШни Польшада ядро қуролини жойлаштиришга чақирди

Польша президенти Анжей Дуда АҚШни мамлакатда ядро қуролини жойлаштиришга чақирди.

"Польша президенти АҚШни ядро қуролини Польша ҳудудига кўчиришга чақирди," - деб ёзади Financial Times.

Дуда нашрга берган интервьюсида АҚШ президенти Дональд Трамп Америкада ёки Ғарбий Европада жойлашган Америка ядро каллакларини Польша ҳудудига кўчириши мумкинлигини аниқ факт деб атади. У бу масалани АҚШ етакчисининг Украина бўйича маслаҳатчиси Кит Келлог билан муҳокама қилганини қўшимча қилди.

"НАТО чегаралари 1999 йилда шарққа кўчган, шунинг учун 26 йилдан сўнг НАТО инфратузилмаси ҳам шарққа кўчирилиши керак," - дея қўшимча қилди Дуда.