Долзарб бир ойлик сафарбарлиги эълон қилинди

Ўзбекистон Республикаси Президентининг «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармони эълон қилинди.

Фармонга кўра, 2025 йил 11 мартдан бошлаб “долзарб бир ойлик”сафарбарлиги эълон қилинди.

Ойлик доирасида:

• маҳаллаларда 29 мингта кичик ишлаб чиқариш, хизмат кўрсатиш ва ҳунармандчилик лойиҳаларини амалга ошириш, зарур қишлоқ хўжалиги техникаси ва асбоб-ускуналарни;
• аҳоли хонадонларига 1,23 миллион бош парранда, 24 минг оила асалари ва 21 минг бош қуй-эчки ва қорамол етказиб берилади;
• 400 минг гектар аҳоли томорқаларида ҳамда 180 минг гектар ижара ер майдонларида сабзавот, полиз, картошка, дуккакли ва бошқа сердаромад экинлар экилади.

Вазирликлар, идоралар ва тижорат банклари раҳбарлари ва уларнинг ўринбосарларига ҳудуд, туман ва шаҳарларга бириктирилади.

• Шунингдек, «Бир маҳалла - бир маҳсулот” ҳамда ижара ерларида «Бир контур - бир маҳсулот” тамойили асосида сердаромад экинлар экилиш ташкил этилади;
• "Яшил макон" лойиҳаси доирасида дарахт кўчатлари экилади ва камбағал оилаларга мевали дарахтлар кўчатларини етказиб берилади;
• Маҳаллаларда мини-трактор ва мотокультиваторлардан фойдаланиб, аҳоли томорқаларига экиш ишларини ташкил этилади;
• Сув таъминоти оғир бўлган 874 та маҳаллада суғориш тизимини яратишни Наврўз умумхалқ байрамига қадар якунланади;
• Камбағал оилаларга молиявий кўмак пакетлари (иссиқхоналар, парранда, балиқ, чорва моллари, асаларичилик ускуналари ва экиш материаллари) етказиб берилади;
• Аҳоли даромадларини ошириш мақсадида микролойиҳалар амалга оширилади;

Камбағал оилалар фарзандларини касб-ҳунарга ўқитиш ва даволанишларига ёрдам берилади.