Диего Симеоне Ханси Флик ва Карло Анчелоттидан салкам 2,5 баравар кўпроқ маош олади

L’Equipe саҳифаларида Испания чемпионатида ишлаётган мураббийларнинг энг юқори маошлари ҳақида маълумот берилди. Топ-3дан "Атлетико"дан Диего Симеоне, "Реал"дан Карло Анчелотти ва "Барселона"дан Ханс-Дитер Флик жой олганига ҳеч ким ажабланмаса керак. Аммо аргентиналикнинг даромади ва унинг ҳамкасблари ўртасидаги фарқ ҳайратланарли.

Симеоне ойига 2,17 миллион евро маош олади. Анчелотти бир ойлик иш учун 910 минг евро, Флик эса 830 минг евро маош олади.

Қайд этилишича, гап солиқ тўловларидан олдинги иш ҳақи ҳақида кетмоқда.

Испания чемпионати турнир жадвалида топ-3 қуйидагича кўринишда: "Барселона" (60 очко), "Реал" (60 очко), "Атлетико" (56 очко).