“Девону луғотит турк” кўргазмаси доимий экспозиция сифатида очилди: Маҳмуд Кошғарий мероси Иссиқкўлда яшайди

2026 йил 30 сентябрь куни Қирғиз Республикасининг Иссиқкўл вилоятида жойлашган Қурманжон Датка номидаги Кўчманчи цивилизация марказида “Девону луғотит турк” асарига бағишланган доимий кўргазманинг очилиш маросими бўлиб ўтди.

2024 йилда Бишкек шаҳрида илк бор намойиш этилган, 2025–2026 йилларда эса Остона ва Туркистон шаҳарларида намойиш этилган сайёр кўргазма эндиликда Иссиқкўлда доимий экспозиция сифатида жойлаштирилади. Мазкур лойиҳа Қирғиз Республикаси Биринчи хоними, Жаноби Олиялари Айгул Жапарованинг ташаббуси билан амалга оширилди.

Лойиҳа Turkic Culture and Heritage Foundation томонидан Туркиянинг Ҳамкорлик ва Мувофиқлаштириш Агентлиги (TİKA) ҳамда Турк дунёси жамғармаси билан ҳамкорликда амалга оширилди.

Очилиш маросимида Turkic Culture and Heritage Foundation Президенти, профессор Актоты Раймкулова сўзга чиқди. Жамғарма Президенти кўргазманинг 2024 йилда Бишкекдан бошланган саёҳати эндиликда Иссиқкўлда ўзининг доимий масканини топганидан мамнунлигини билдирди. У “Девону луғотит турк”ни туркий халқларнинг маданий ва лингвистик оламига очиладиган муҳим дарча сифатида таърифлаб, кўргазманинг муштарак меросни келажак авлодларга етказишдаги аҳамиятини таъкидлади.

Маросимда, шунингдек, Туркия Республикасининг Қирғиз Республикасидаги Фавқулодда ва Мухтор Элчиси Мустафо Кемал Ўкем, TİKA Президенти Абдулла Эрен, Турк дунёси жамғармаси Бошқаруви раиси ўринбосари Усмон Ўзсой ҳамда Қирғиз Республикаси Маданият, ахборот ва ёшлар сиёсати вазирининг ўринбосари Суюзбек Надирбеков сўзга чиқди.

Маърузачилар ўз нутқларида Маҳмуд Кошғарийнинг Иссиқкўл ва Барско‘н ҳудуди билан тарихий алоқаларига, унинг асарининг туркий дунё жамоавий хотирасидаги ўрнига, шунингдек, кўргазманинг минтақадаги туркий маданий меросни тарғиб қилиш ва асраб-авайлашдаги аҳамиятига алоҳида эътибор қаратдилар.

Очилиш маросимида Қирғиз Республикасид