Даврон Файзиев янги Futbol TV телеканали ҳақида маълумот берди

Журналист, шарҳловчи Даврон Файзиев юртимизда янги очилиши кутилаётган Futbol TV телеканали ҳақида билган маълумотлари билан ўртоқлашди.

"Январь ойи бошидан футболга ихтисослашган телеканал ишга тушиши ҳақида маълумотлар чиқди. Instagram'да ҳам саволлар беришди бу ҳақда. Шу бўйича мендаги маълумотни айтиб ўтмоқчиман. Ҳа, 2025 йилнинг илк кунларидан МТРК тизимида янги Футбол канали фаолият бошлаши режалаштирилган. Шу пайтгача эфирга узатилган FL канали тўлқинида бўлади, яъни телевизорингизда алоҳида қидириб ўтирмайсиз. Ўзи аввал ҳам Foreign Languages параллель учрашувлар трансляциясини амалга оширарди. Энди тўлиқ футбол мавзусига адаптация қилинади. Аксарият шарҳловчи ва журналистлар Sport телеканалидан жалб қилинади, балки янги юз ва овозларни ҳам кўрармиз. Контентлардан хабарим йўқ, буни эфирда кўрамиз энди. Билганларим шу", - деб ёзди Файзиев.