Ушбу рейтингга дунёнинг 66 та лигасидан энг кўп ўйин вақтига эга бўлган йигирма нафардан футболчи киритилди. Қувонарлиси, ушбу рейтингдан маҳоратли футболчиларимиз Аббосбек Файзуллаев ва Одилбек Ҳамробеков ўрин олди.
Аниқроқ айтадиган бўлсак, энг кўп ўйин ўтказиш бўйича ЦСКА клубининг ҳужумкор футболчиси Аббосбек Файзуллаев Россия Премьер-лигасида иштирок этаётгани боис рейтингга киритилди. Футболчимиз Россия Премьер-лигаси вакиллари орасида 2024 йил давомида энг кўп майдонда ҳаракат қилган футболчи сифатида рекорд ўрнатди. Аббосбек жами 58 та учрашувда иштирок этиб, 3 минг 942 дақиқа давомида ўйнаган.
Бу рейтингга Аббосбек Файзуллаевнинг нафақат ЦСКА, Ўзбекистон миллий ва U23 терма жамоаларида ўтказган ўйинларидаги кўрсаткичлари ҳам киритилган.
«CIES Football Observatory» экспертлари Ўзбекистон Суперлигаси ўйинчилари рейтингини ҳам эълон қилди. Унга кўра, мавсумни “Навбаҳор”да ўтказган Одилбек Ҳамробеков клуб ва Ўзбекистон миллий терма жамоаси таркибида 47 маротаба майдонга тушиб, 4 минг 114 дақиқа ўйнаган. Бу эса унинг биринчи ўринни эгаллашини таъминлади.
Саудия Арабистони хазина топди, нефть конларида «оқ олтин» аниқланди
Россия олти давлат элчихоналарига ҳужум қилди
«Энди жуда қийин бўлади»: Килиан Мбаппе Лионел Месси тажрибасидан сўнг Криштиану Роналду билан ўйнай олмаганидан афсусдалигини айтди
