Дарвозаларга 9 та гол урилган ўйинда Испания Францияни мағлубиятга учратди

Испания терма жамоаси Миллатлар лигаси ярим финалида Францияни 5:4 ҳисобида мағлуб этди. Ўйин Штутгартда бўлиб ўтди.

Испания терма жамоаси сафида Ламин Ямал (иккита гол), Нико Уильямс, Микель Мерино ва Педри гол уришди. Микель Оярсабаль иккита голли узатмани амалга оширди.

Франция терма жамоаси голларини Килиан Мбаппе ва Раян Шерки, Рандаль Коло-Муани ва испаниялик Вивиан автоголга муаллифлик қилди.

Испания Миллатлар лигаси финалига чиқди ва Португалия билан ўйнайди. Учинчи ўрин учун ўйинда Франция Германия билан куч синашади. Ўйинлар 8 июнь куни бўлиб ўтади.