Дани Алвес 405 кунлик қамоқ учун компенсация олиши мумкин

Бразилиялик собиқ ҳимоячи Дани Алвес 405 кун қамоқда ўтказган вақти учун 20 минг евро компенсация олиши мумкин. Бу ҳақда Marca нашри хабар бермоқда.

Маълум қилинишича, Испания Олий суди унга доир илк ҳукмни бекор қилгани учун қамоқда сақланган хар бир кун учун компенсация талаб қилиш ҳуқуқига эга бўлади.

Бундан ташқари, Алвес Мексиканинг «Пумас» клубидан 2 миллион евро талаб қилишни режалаштирмоқда. Унинг фикрича, агар у оқланса, жамоа билан бекор қилинган шартнома асоссиз ҳисобланади.

Эслатиб ўтамиз, Дани Алвес аввалроқ 4,5 йилга озодликдан маҳрум қилингани, кейинчалик 1 млн эвро гаров пули эвазига озодликка чиққани ва айбсиз деб топилгани ҳақида хабар берилган эди.