Дам олиш кунлари ёмғир ва қор ёғади

Дам олиш кунлари Ўзбекистон ҳудуди бўйлаб беқарор об-ҳаво бўлиши кутилмоқда, дея хабар берди Ўзгидромет.

Республикада вақти-вақти билан ёғингарчилик бўлиб, шимолда қор шаклида, қолган ҳудудларда асосан ёмғир шаклида кузатилади.

18−19 январь кунлари баъзи жойларда қор ёғади. Фарғона водийси ҳудудларида ёғингарчилик фақат 19 январда кузатилади.

Шанба ва якшанба кунлари кечаси 0…+5 даража, кундузи +2…+7 даража бўлади. Кечаси ва эрталаб республика бўйлаб баъзи жойларда туман тушиши мумкин.

Шамол шарқдан ғарбга ўзгариб турган ҳолда 7−10 м/с тезликда эсади, 18−19 январь кунлари айрим жойларда 13−18 м/с гача кучаяди.

Тошкент шаҳрида вақти-вақти билан ёмғир ёғади, 18 январь кечаси ва 19 январда вақти-вақти билан ёмғир, қор кузатилади. Кечаси ва эрталаб туман тушиши мумкин. Енгил ўртача тезликдаги шамол бўлади. Шанба ва якшанба кунлари кечаси 0…+2, кундузи +4…+7 даража бўлади.