Жорий йилнинг 25 май куни соат 01:00 ларда Чилонзор тумани Бунёдкор шоҳ кўчасида 2001 йилда туғилган М.Т. Nexia-3 русумли транспорт воситаси ҳайдовчиси, руль бошқарувини йўқотиб, ёритгичлар учун мўлжалланган устунга бориб урилиб қарама-қарши йўналишга ўтиб кетиши оқибатида 1997 йилда туғилган А.А. бошқарувидаги Lacetti русумли автомобилига бориб тўқнашиб йўл-транспорт ҳодисаси содир этган. Бу ҳақда Тошкент шаҳар ИИББ ЙҲХБ ахборот хизмати хабар берди.

ЙТҲ натижасида ҳар иккала транспорт воситаси ҳайдовчиси ҳамда Nexia-3 автомашина йўловчисига биринчи ёрдам кўрсатилган.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.