Чехия президенти мамлакат ҳарбийлари Украинадаги Европа тинчликпарвар кучларига қўшилиши мумкинлигини айтди

Чехия президенти Петр Павел ўз ҳарбийларини Украинага тинчликпарвар контингент таркибида юборишга тайёрлигини маълум қилди. Бу ҳақда РИА Новости ёзмоқда.

Петр Павелнинг қайд этишича, у контингент жўнатишга биргаликда тайёр бўлиши билан Чехия ҳам унинг бир қисми бўлади, деб ҳисоблайди. Унинг сўзларига кўра, агар Украинага хавфсизлик кафолатларини беришга тайёр Европа давлатларининг кучли гуруҳи бўлса, у ҳолда Павел "Чехия улар орасида бўлиши кераклигига чуқур ишонади".

Аввалроқ Буюк Британия бош вазири Кир Стармернинг матбуот котиби 30 дан ортиқ давлатнинг "хоҳловчилар коалицияси" деб аталмиш - Украинага тинчликпарвар кучларини жойлаштиришга ва Киевга хавфсизлик кафолатларини беришга тайёр давлатлар гуруҳига қўшилиши кутилаётганини айтганди.