Чемпионлар лигасида ҳафтанинг энг яхши футболчиси номига даъвогарлар маълум бўлди

УЕФА матбуот хизмати Чемпионлар лигаси умумий босқичининг 3-туридан сўнг ҳафтанинг энг яхши ўйинчиси номига даъвогарлар рўйхатини эълон қилди.

Номзодлар қаторига «Атлетик» форварди Горка Гурусета, ПСВ яримҳимоячиси Деннис Ман, Дортмунднинг «Боруссия» клуби футболчиси Феликс Нмеча ҳамда «Барселона» хавбеки Фермин Лопес киритилди.

Гурусета «Қарабоғ»га қарши ўйинда (3:1) дубль қайд этди. Ман икки гол урди ва «Наполи»ни йирик ҳисобда мағлуб этишда (6:2) муҳим роль ўйнади. Нмеча «Копенгаген» дарвозасига иккита тўп киритди (4:2), Лопес эса «Олимпиакос»га қарши беллашувда (6:1) хет-трик муаллифи бўлди.

Эслатиб ўтамиз, ҳозирги вақтда турнир жадвалида 9 очко билан ПСЖ пешқадамлик қилмоқда. 9 очкога эга «Бавария» иккинчи ўринда, учинчи, тўртинчи ва бешинчи ўринларда эса бир хил очкога эга «Интер», «Арсенал» ва «Реал» жамоалари жой олган.