"Челси" Евро-2024 юлдузини нишонга олди

"Атлетик" вингери Нико Уильямс фаолиятини Англияда давом эттириши мумкин.

22 ёшли футболчининг хизматларига Лондоннинг "Челси" клуби қизиқиш билдирмоқда.

Хабар қилинишича, Уильямс "Челси"га 58 млн еврога тушиши мумкин. Футболчининг "Атлетик" билан шартномасида муддатидан олдин кетиш учун айнан шунча сумма кўрсатилган.

Трансферга "Челси"нинг АПЛ жорий мавсумидаги якуний натижаси таъсир қилиши мумкин. Уильямс Чемпионлар лигасида ўйнашни истамоқда, лондонликлар эса ҳали у ерга йўлланмани кафолатламаган.