Буюк Британияда уй нархи тарихий энг юқори даражага кўтарилди

Буюк Британияда уй нархлари рекорд даражага етди. Лондон ҳали ҳам етакчилар қаторида қолмоқда, Шимолий Ирландияда эса ўтган йили квадрат метрлар нархи 10 фоизга ошди.

Буюк Британиянинг энг йирик ипотека кредиторларидан бири бўлган Halifax маълумотларига кўра, мамлакатда уйнинг ўртача нархи рекорд даражадаги 293 999 фунт стерлингни (381 174 доллар) ташкил этиб, 2022 йил июнь ойида ўрнатилган 293 507 фунт стерлингдан (380 536 доллар) ошиб кетди.

Октябрь ойида ўртача уй нархи 0,2% га ўсди ва тўртинчи ой кетма-кет ижобий тенденцияни давом эттирди. Йиллик ўсиш 3,9% ни ташкил этди.

Шимолий Ирландия Буюк Британиянинг барча ҳудудларида уй нархларининг энг тез ўсиб бораётган ҳудуди бўлиб, у ерда октябрь ойида ўтган йилга нисбатан кўчмас мулк нархи 10,2% га ўсди. Лондон ўртача нархи 543 308 фунт стерлинг (704 407 доллар) билан энг қиммат ҳудуд бўлиб қоляпти, бу ўтган йилга нисбатан 3,5 фоизга кўп демак.

Юқори нархларга қарамай, Буюк Британиянинг мулк бозоридаги фаоллик ўсишда давом этяпти, янги ипотека операциялари сони икки йил ичида энг юқори даражага етди.

Англия Банкининг бугунги фоиз ставкаси 5 фоиздан 4,75 фоизга туширилиши уй-жой харидорларини янада рағбатлантириши ва мулк бозорининг янада ўсишига сабаб бўлиши кутиляпти.