Буюк Британияда АҚШ ҳарбийлари фойдаланадиган Фэрфорд авиабазаси яқинида террористик ҳужум уюштиришни режалаштирганликда гумон қилиниб, беш киши ҳибсга олинди.
Бу ҳақда Associated Press нашри маҳаллий ҳуқуқни муҳофаза қилиш органларига таяниб хабар бермоқда.
Хабарга кўра, якшанба куни Британия полицияси портловчи моддалар сақлаганликда гумон қилиниб, бир нечта эркакни ҳибсга олди ва авиабаза яқинидаги уйларнинг аҳолисини эвакуация қилди. База томон кетаётган учта транспорт воситаси шубҳа уйғотди. Кейинчалик улар террористик ҳужум уюштиришни режалаштирганликда гумон қилиниб ҳибсга олинди.
Англиянинг ғарбий қисмида, Лондондан тахминан бир ярим соатлик масофада жойлашган Фэрфорд авиабазаси ҳудудида фавқулодда ҳолат эълон қилинди ва ҳуқуқни муҳофаза қилиш органлари ходимлари ва ускуналари сафарбар қилинди.
Associated Press эслатишича, база АҚШ ҳарбийлари томонидан Эронга қарши ҳужумларни амалга ошириш учун ишлатилган.
Россияда бир ҳафта ичида касалланганлар сони қарийб 1 миллионга етди
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
