Буюк Британия Евроиттифоқ билан озиқ-овқат борасидаги келишувга яқин турибди

Британия Европа Иттифоқи билан озиқ-овқат ва ветеринария стандартлари бўйича келишувга эришишга яқин турибди, бу эса АҚШ билан савдо музокараларини мураккаблаштириши мумкин.

Бу ҳақда The Daily Telegraph газетаси хабар бермоқда.

Нашрнинг ёзишича, Лондон ва Брюссел ўртасидаги янги ҳамкорлик май ойидаёқ расмийлаштирилиши мумкин. Бироқ, мақолада таъкидланганидек, ушбу келишув баъзи Америка товарлари учун Британия бозорига киришда тўсиқлар яратиши мумкин, бу эса АҚШ билан эркин савдо шартномасини тузишни қийинлаштиради. 2016 йилда Брехит референдумидан бери Вашингтон билан келишув Европа Иттифоқидан чиқишнинг энг катта, аммо ҳозиргача эришиб бўлмайдиган мукофоти сифатида эътироф этилди.

Британия ҳукуматининг Brexit бўйича собиқ бош музокарачиси Дэвид Фрост "америкаликларнинг асосий талабларидан бири Буюк Британиянинг озиқ-овқат ва қишлоқ хўжалиги бозорига кириш", деб огоҳлантирди.

"Биз қоидаларни ўзимиз белгилаш қобилиятидан моҳиятан воз кечамиз ва ҳеч қандай ҳақиқий фойда олмаймиз. Айни пайтда, бу бизда ҳали мавжуд бўлмаган давлатлар билан, биринчи навбатда, АҚШ билан эркин савдо битимларини тузишни қийинлаштиради", - дея Фрост сўзларини келтиради газета.