Бухорода уйда қулфланиб қолган қизалоқ ФВВ қутқарувчилари томонидан қутқарилди

Куни кеча, Бухоро вилояти ФВБга "112" тизими орқали, Шофиркон туманида жойлашган уйларнинг бирида хонадон кириш эшиги қулфланиб қолганлиги, уй ичида қизалоқ қолиб кетганлиги ва эшикни очишда амалий ёрдам зарурлиги тўғрисида хабар келиб тушган.

Хабарга асосан, ФВВ қутқарувчилари айтилган манзилга етиб боришган. Қутқарувчилар махсус нарвон орқали уй ичига кириб, уйнинг кириш эшигини очиб беришган ҳамда қизалоқни яқинларига соғ-саломат топширишган.