Техник жиҳатдан тартибга солиш соҳасида назорат инспекцияси томонидан Бухоро шаҳридаги “Тўқимачи” ва “Ситора” бозорларида назорат харидлари ўтказилди.
Натижада, Хитойда ишлаб чиқарилган “BRAUN” бренди остидаги 2238-моделли соч қуритиш мосламаси ва маҳаллий “FORSAJ” савдо белгиси остидаги 4 литрлик музламайдиган ойна тозаловчи маҳсулотлар стандарт талабларига мос эмаслиги аниқланди.
Синов натижалари соч қуритиш мосламасининг ток қаршилигини ошириши, ўтказгичларнинг қизиб кетиши, ёниш ва ёнғинга сабаб бўлиши, шунингдек, хизмат муддатининг қисқариш эҳтимоли юқори эканини кўрсатди.
“FORSAJ” антифризи эса қишда музлаб, шиша ювиш тизимини ишдан чиқариши, кўриш майдонини торайтириши, суюқлик кенгайиши оқибатида деталларни ёриши ва таркибида соғлиққа зарарли моддалар бўлиши мумкинлиги билан хавф туғдиради.
Истеъмолчиларга маҳсулот сотиб олишда унинг ёрлиғи, ишлаб чиқарилган мамлакати, техник кўрсаткичлари ва сертификатларига эътибор қаратиш тавсия этилади.
Ҳурматли истеъмолчилар! Агар савдо тармоғида сифасиз ёки сохта маҳсулотга дуч келсангиз, 1880 қисқа рақами орқали Техник жиҳатдан тартибга солиш инспекциясига мурожаат қилишингиз мумкин.
Ўзбекистонда 4 кишилик оиланинг яшаши учун қанча маблағ кераклиги ҳисоблаб чиқилди
Муҳожирлар орасида биринчи: Украинага қарши урушда Россия армияси сафида жанг қилаётган ўзбеклар сони маълум бўлди
Қайнонасининг гўштидан манти қилиб, эрини ҳам ўлдирган аёлга 12 йил жазо берилди
