Трамп: "Нетаньяху Фаластин давлатини тан олишга рози бўлади"

АҚШ президенти Дональд Трамп Исроил бош вазири Беньямин Нетаньяху охир-оқибат Фаластин давлатини тан олишга рози бўлишига ишонч билдирди.

Трамп бу ҳақда CBS News телеканалига берган интервьюсида шундай фикр билдирди.

Исроил бош вазирини ишонтира оладими, деган саволга жавоб берар экан, Трамп "уруш давридаги бош вазир" ва "жуда истеъдодли одам" деб атаган Нетаньяху билан "яхши" эканини айтди.

"Мен у билан жуда яхши ишладим. Мен уни у ёки бу тарзда бироз туртиб қўйишим керак эди" - дея қўшимча қилди у.