Венесуэла президенти Мадуронинг саноқли кунлари қолди(ми)?

Трамп Венесуэла президенти Мадуронинг саноқли кунлари қолганини айтди.

Шу билан бирга, CBS телеканали журналистининг "АҚШ Венесуэлага қарши ҳарбий чоралар кўриш ниятидами?", деган саволга жавоб бермади.

"Бундай бўлади деб айтмоқчи эмасман, чунки мен журналист билан зарба бериш ёки бермаслик масаласини муҳокама қилмайман", — деди АҚШ президенти.

"Лекин Венесуэла ҳукумати биз билан жуда ёмон муносабатда бўлмоқда, бу фақат наркотиклар масаласида эмас. Улар мамлакатимизга биз қабул қилмоқчи бўлмаган юз минглаб ноқонуний мигрантларни юборди. Венесуэла ўз қамоқхоналаридаги маҳбусларини шунчаки озод қилиб, Қўшма Штатларга жўнатишди. Бундан ташқари, улар ўзларининг руҳий касаликлар шифохоналарини ва психиатрия муассасаларини бўшатиб, у ердаги беморларни бизни давлатимизга юборишди. Чунки Жо Байден бизнинг мамлакат тарихидаги энг ёмон президентдир", — деди АҚШ президенти.