22 июн куни Инновасион ривожланиш вазирлиги Ҳайъат йиғилишида Бухоро муҳандислик-технология институти илмий тадқиқотчиси Мадина Муҳаммедова олиб бораётган «Қандли диабет билан касалланган беморлар учун профилактик поябзалнинг самарали технологиясини яратиш ва конструкциясини ишлаб чиқиш» лойиҳаси муҳокама қилинди.
Лойиҳани 313,2 миллион сўмга молиялаштириб, Бухоро шаҳри ва Ромитан ҳудудида ишлаб чиқаришни йўлга қўйиш режалаштирилмоқда.
Поябзал қандли диабет билан оғриган беморлар товонидаги деформасиянинг келиб чиқишини олди олади ва қорасон касаллигини жадаллашувини 45 фоизга камайтиради.