Бугун Трамп, Зеленский ва Европа етакчиларининг телефон орқали мулоқоти бўлиб ўтади — Reuters

Агентликнинг Германия канцлери идорасига таяниб хабар беришича, суҳбат Киев вақти билан 15:00 да (Тошкент вақти билан 18:00 да) ўтказилиши режалаштирилган.

Маълумотларга кўра, унда Германия, Финляндия, Франция, Буюк Британия, Италия, Полша ва Европа Иттифоқи раҳбарлари ҳамда NATO бош котиби ҳам иштирок этади.

Bild'нинг манбаларига таяниб ёзишича, Зеленский бугун Берлинга келади ва Трамп билан бўладиган мулоқотда Германия канцлери Мерцнинг идорасидан туриб иштирок этади.

Шунингдек, ушбу мулоқотдан сўнг “хоҳловчилар коалицияси”нинг онлайн учрашуви ўтказилади.