Бразилияда ўтказилган президентлик сайловларида амалдаги давлат раҳбари Луис Инасиу Лула да Силвага мағлуб бўлган сенатор Флавиу Болсонару Олий суд томонидан мамлакатни тарк этиш тақиқланганига ва паспортларини топшириш топшириғига қарамай, АҚШга жўнаб кетди.
Бразилия Олий суди Болсонаруга ҳужжатларини 24 соат ичида топширишни буюрган эди. Сенатор ушбу талабни бажармаганидан сўнг унинг Бразилия паспортлари ҳақиқий эмас деб топилди. Хабарларга кўра, у Италия паспортидан фойдаланиб, мамлакатдан чиқиб кетган бўлиши мумкин.
Ҳозирда Болсонаруга нисбатан пул ювиш, молиявий фирибгарлик ва онлайн спорт тиклари бўйича ноқонуний схемаларга алоқадорлик гумони билан тергов ҳаракатлари олиб борилмоқда. Терговчилар унинг адвокат Уиллер Томас ва унинг Alcazar Holdings компаниясига тегишли банк ҳисобварақлари билан боғлиқ молиявий алоқаларини ўрганмоқда. Болсонару барча айбловларни рад этмоқда.
Сайловдаги мағлубиятдан сўнг сиёсатчи Бразилиядан кетмаслигини ва Конгрессда мухолифатга раҳбарлик қилишини билдирган эди. Аммо унинг мамлакатдан яширинча чиқиб кетиши суд ва ҳуқуқни муҳофаза қилувчи органлар томонидан янги ҳуқуқий чоралар кўрилишига олиб келиши мумкин.
Унинг отаси, собиқ президент Жаир Болсонару ҳам 2022 йилги сайловда мағлуб бўлгач, АҚШга чиқиб кетган эди. Кейинчалик у Бразилияга қайтган ва давлат тўнтаришига уриниш бўйича айбдор деб топилиб, 27 йилга озодликдан маҳрум этилган.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
АҚШнинг Россия бўйича қарори Киевнинг умидларини пучга чиқарди
