Қозоғистоннинг Алмати шаҳрида бокс бўйича ёш қизлар ўртасида ўтказилган халқаро турнирда Ўзбекистон терма жамоасининг 3 нафар аъзоси ғолиблик шоҳсупасига кўтарилди.
Олимпия ўйинлари ғолиби Ермахан Ибраимов соврини учун ўтказилган анъанавий мусобақада 2006-2007 йилларда таваллуд топган 100 нафардан зиёд боксчи 12 вазн тоифасидаги жангларда иштирок этди.
Осиё чемпионатига тайёргарлик вазифасини ўтаб берган ушбу мусобақанинг 9 та вазн тоифасида қозоғистонликлар, қолган 3 тасида эса ўзбекистонлик боксчи қизлар олтин медални қўлга киритди.
Терма жамоамиз аъзоларидан Раҳима Бекниёзова (-60), Ҳилолахон Машрабова (-50) ва Жасмин Тоҳирова (-48) ўз вазнларида олтин медалларга эга чиқди.
