20 июнь, жума куни БМТ Хавфсизлик кенгашида Эрон ва Исроил ўртасидаги таранглик ва Украинадаги вазият бўйича иккита йиғилиш бўлиб ўтади, деб ёзади ТАСС.
“Эрон илтимосига кўра учрашув жума куни соат 10:00 да, Украина масаласи бўйича йиғилиш эса 15:00да бўлиб ўтади”, – деди журналистларга июнь ойида БМТ Хавфсизлик кенгашига раислик қилаётган Гайана мамлакатининг доимий вакили.
Эслатиб ўтамиз, аввалроқ Хавфсизлик кенгаши 13 июнь куни Яқин Шарқдаги вазият бўйича фавқулодда йиғилиш ўтказган эди. Шу куни Исроил Эрон ядровий дастурига қаратилган “Қайта уйғонган арслон” операциясини бошлаган эди.
Шунингдек, яқинда Атом энергияси бўйича халқаро агентлик (МАГАТЭ) бошқарувчилар кенгаши Эрон 20 йил ичида биринчи марта ўз мажбуриятларини бузганини тасдиқловчи резолюцияни қабул қилган эди. Ҳужжатда айтилишича, 2019 йилдан бери Эрон ўзининг ядровий материаллари ва декларация қилинмаган объектлардаги фаолияти ҳақида тўлиқ ва ўз вақтида маълумот бермаган. Бу мажбуриятларнинг расмий бузилиши, лекин ҳарбий дастур мавжудлигини англатмайди.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Иcроил «Қизил тўй» операцияси доирасида 12 дақиқа ичида Эроннинг ҳарбий раҳбарларини йўқ қилди
