БМТ маълумотларига кўра, ҳар йили дунё бўйлаб 1,2 миллионга яқин инсон йўл-транспорт ҳодисалари оқибатида ҳалок бўлади. Шунингдек, 50 миллионга яқин киши турли даражада тан жароҳати олади.
БМТ Бош котиби Антониу Гутерриш таъкидлашича, йўл-транспорт ҳодисалари нафақат иқтисодий йўқотишларга сабаб бўлмоқда, балки миллионлаб оилаларнинг ҳаётини ўзгартириб юбормоқда.
БМТ маълумотларига кўра, йўл-транспорт ҳодисалари дунёдаги ўлим сабаблари орасида саккизинчи ўринда туради. 5 ёшдан катта болалар ва ёшлар орасида бу ҳолатлар энг кўп ўлимга сабаб бўлаётган омиллардан бири сифатида қайд этилган.
Жабрланувчилар асосан пиёдалар, велосипедчилар ва мототранспорт ҳайдовчилари бўлиб, уларнинг ҳимоясизлиги йўл-транспорт хавфсизлигида энг оғриқли нуқта ҳисобланади.
БМТ экспертлари қуйидаги чораларни тавсия қилмоқда: хавфсиз шаҳарсозликни ривожлантириш, пиёдалар ва велосипедчилар учун алоҳида йўлаклар барпо этиш; жамоат транспорти инфратузилмасини яхшилаш; шлем ва хавфсизлик камарларидан мажбурий фойдаланишни кучайтириш; автотранспорт воситаларининг техник ҳолатини қатъий назорат қилиш.
Тошкентда бўлажак куёв қизни алдаб, ҳовлисини сотиб юборгани юзасидан расмий маълумот берилди
"Вақт Исроилга қарши ишлаяпти..."
АҚШнинг Тошкентда туғилган мулозими Ўзбекистонга келяпти
