БМТ Ғазода уйларидан ҳайдалган ва «оила аъзоларининг ўлдирилгани, ёқиб юборилгани ва тириклайин кўмилганига гувоҳ бўлишга мажбур бўлган» фаластинлик тинч аҳолини тасвирлаб берди

БМТ расмийси Ғазодаги «энг оғир халқаро жиноятларни эслатувчи ҳаракатлар»га ишора қилмоқда.

БМТнинг юқори мартабали расмийси Исроил ҳудудни ҳар куни бомбардимон қилишда давом этаётган бир пайтда Ғазодаги гуманитар вазиятни «энг оғир халқаро жиноятларни эслатувчи ҳаракатлар» деб қоралади.

Бирлашган Миллатлар Ташкилотининг ОЧА гуманитар агентлиги муваққат раҳбари Жойс Мсуя Хавфсизлик Кенгашида нутқ сўзлаб, Ғазода уйларидан ҳайдалган ва «оила аъзоларининг ўлдирилгани, ёқиб юборилгани ва тириклайин кўмилганига гувоҳ бўлишга мажбур бўлган» фаластинлик тинч аҳолини тасвирлаб берди.

«Бошпаналар, уйлар ва мактаблар ёқиб юборилди ва ер билан битта қилиб бомбардимон қилинди», деди Мсуя.

«Кўплаб оилалар вайроналар остида қолмоқда, чунки қазиш ускуналари учун ёқилғи Исроил ҳукумати томонидан тўсиб қўйилган ва биринчи ёрдам ходимлари уларга етиб боришга тўсқинлик қилмоқда.»

Касалхоналар ҳужумга учраганини ва тез ёрдам машиналари вайрон қилинганини айтган Мсуя, «Ғазода кўраётган ҳар кунги шафқатсизликнинг чегараси йўқдек» деди.

Мсуя нутқ сўзлаган Хавфсизлик Кенгаши йиғилишида Ғазода «яқин ва катта очарчилик эҳтимоли» ҳақида огоҳлантирилган БМТ томонидан қўллаб-қувватланган сўнгги ҳисоботга эътибор қаратилди.