Тошкент вилоятида фаолият юритувчи “M.M.T.X.” МЧЖнинг ер солиғидан юзага келган асоссиз қарздорлиги Бизнес-омбудсман аралашуви билан ижобий ҳал этилди.
Ушбу корхона аввал ҳам солиқ органлари томонидан ер солиғи нотўғри ҳисоблангани юзасидан мурожаат қилган ва Бизнес-омбудсман кўмагида муаммо бартараф этилган эди. Бу галги ҳолатда солиқ органи тадбиркор томонидан 2 йил аввал захирага қайтарилган ва балансидан чиқарилган 2951,2 га. ер учун 106 млрд сўм ер солиғи ҳисоблаган.
Бунга асос бўлган маълумотлар базасидаги хатоликлар тадбиркорнинг бир неча бор мурожаат қилишига қарамай, солиқ органи томонидан тўғриланмай келинган.
Мурожаат ўрганилиб, солиқ органларига тегишли кўрсатмалар берилди ва қайта ҳисоб-китоб ишлари амалга оширилиши таъминланди. Натижада корхонанинг шахсий ҳисобварағидаги нотўғри ҳисобланган қарздорлик бартараф этилди.
Бизнес-омбудсман томонидан тадбиркорларнинг ҳуқуқ ва қонуний манфаатларини ҳимоя қилиш, асоссиз молиявий юкламаларнинг олдини олиш ҳамда давлат органлари ахборот тизимларидаги хатоликларни тузатиш юзасидан назорат ишлари изчил давом эттирилмоқда.
Уйига фақат тунда келишни одат қилган қарздорга МИБ "сюрприз" қилди
Петербургда болани қутқарган ўзбекистонлик яна бир мукофотга сазовор бўлди
Тошкентда ер майдонини 9 млн АҚШ долларига сотмоқчи бўлганлар ушланди
