Бирмингемга илк бор мусулмон динига мансуб инсон шаҳар ҳокими этиб тайинланди

Буюк Британиянинг иккинчи энг аҳолиси кўп бўлган шаҳри Бирмингемнинг биринчи мусулмон мэри Зокир Чаудхри сайланди.

Бу эълон Бирмингем шаҳар кенгашининг расмий веб-сайтида эълон қилинди.

"Мен Бирмингемда лорд-мэр сифатида хизмат қилишдан жуда фахрланаман", деди Чаудхри.

Покистонлик иммигрант Чаудхри 1969 йилда ўн тўрт ёшида Бирмингемга кўчиб ўтган. 2006 йилда у шаҳар кенгаши аъзоси бўлган ва кейинчалик Ғарбий Мидленд полициясида ва Соғлиқни сақлаш ва хавфсизлик бўйича ижроия органида ишлаган.