Александр Лукашенко ишонч рейтингида биринчи ўринни эгаллади

Александр Лукашенко россияликларнинг постсовет давлатлари раҳбарларига бўлган ишонч рейтингида биринчи ўринни эгаллади.

Бу ҳақда Бутунроссия жамоатчилик фикрини ўрганиш маркази ўтказган сўровнома натижаларидан келиб чиқиб маълум қилмоқда. Беларус президентига респондентларнинг 75 фоизи ишонч билдирган.

Иккинчи ўринни катта фарқ билан Қозоғистон раҳбари Қосим-Жўмарт Тўқаев (25%) эгаллаган. Рейтингда ундан кейинги ўринлардан Ўзбекистон президенти Шавкат Мирзиёев (8%) ва Арманистон бош вазири Никол Пашинян (7%) жой олган.

Беларус етакчисига энг катта хайрихоҳликни катта ёшдаги россияликлар кўрсатмоқда: "илиқлик даври авлоди" (1947 йилгача туғилганлар) орасида унга сўровда қатнашганларнинг 93 фоизи ишонч билдирган (1992–2000 йилларда туғилганлар орасида эса бу кўрсаткич 60%). Эвазига, "рақамли авлод" ёшлари (2001 йил ва ундан кейин туғилганлар) кўпроқ Никол Пашинянни ҳурмат қилишади (ёши катталар орасидаги 1 фоизга қарши ёшларда 16%), дейилади сўровнома маркази баёнотида.