Дунёдаги энг йирик криптовалюта биржаларидан бири Binance 29 октябрь куни йирик киберҳужумга учради. Компания дастлабки ҳисоб-китобларга кўра, ҳодисанинг молиявий кўламини 6,3 миллиард долларга баҳоламоқда.
Воқеа криптовалюта бозорига ҳам таъсир кўрсатди. Биткоин нархи бир неча соат ичида тахминан 4 фоизга пасайиб, 77 минг доллардан қуйига тушди.
Binance асосчиси Чанпэн Чжаонинг билдиришича, хакерлар компания муҳандисларидан бирининг ноутбуки орқали ички тизимга кирган бўлиши мумкин.
Биржа дастлабки текширувларда криптоҳамёнларнинг махфий калитлари ошкор бўлганига оид далиллар топилмаганини маълум қилди. Компания фойдаланувчилар маблағлари хавфсиз эканини таъкидламоқда.
Хавфсизлик чоралари сифатида платформага маблағ киритиш ва ундан пул ечиб олиш операциялари вақтинча тўхтатилди.
Компания маълумотига кўра, ҳужум билан боғлиқ тахминан 3 миллиард долларлик криптоактивлар музлатилган. Binance юзага келган йўқотишларни ўз маблағлари ва махсус захира жамғармаси ҳисобидан қоплашини билдирган.
Сунъий интеллект дунёдаги энг қиммат сурат муаллифлигини шубҳа остига қўйди
Эстонияда асфальт тугади
Россия Болтиқбўйи давлатларига қарши ядровий қурол қўллаши мумкин, агарда...
