Бельгия парламенти кўпчилик овоз билан атом электр стансияларини босқичма-босқич ёпиш ҳақидаги аввалги қароридан воз кечди. Реакторларнинг хизмат қилиш муддатини сақлаб қолиш ва узайтириш учун 102 депутат ёқлаб овоз берди, фақат саккиз нафари қарши чиқди, яна 31 нафари бетараф қолди.
Ҳозирда мамлакатда иккита атом электр стансияси ишламоқда - Антверпен яқинидаги Дуле ва Тианжда жами етти реактор ишламоқда. 2003-йилда қабул қилинган қонунга кўра, дастлаб уларнинг барчаси 2025-йилда ёпилиши режалаштирилган эди.Аммо Украинада уруш бошланганидан кейин ҳукумат атом энергетикасидан чиқишни камида 2035-йилгача қолдирди.
Бельгия Бош вазири Барт де Вевер ва унинг ўнг қанот Nieuw-Vlaamse Alliantie партияси энди янада узоқроққа боришди - улар нафақат мавжуд реакторларни сақлаб қолиш, балки янгиларини қуриш ниятида.
Германияда Белгиянинг қарори хавотир уйғотди, чунки сўз юритилаётган реакторлар 1970 ва 1980-йилларда қурилган ва ўтмишда техник нуқсонлари борлиги аниқланган. Тианждан атиги 60 километр узоқликда жойлашган Германиянинг Ахен шаҳри маъмурияти Белгия атом электр стансияларининг ёпилишини тарғиб қилишда айниқса фаол.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
