Беларус-Украина чегараси мисли кўрилмаган даражада ёнмоқда

Александр Лукашенконинг таъкидлашича, Беларус ва Украина ўртасидаги чегарада вазият мисли кўрилмаган даражада кескинлашган.

"Жанубий чегара, бир ярим минг километрлик ҳудуд, ҳар қачонгидан ҳам қаттиқ ёнмоқда. Баъзи ҳарбийларга жавобим шундай: биз жанубий чегарани кучайтирилган тартибда ҳимоя қилишимиз керакми ёки йўқми? Жавоб: ҳа, керак. Биз ҳарбиймиз, халқ эса биз уларни ҳимоя қилишимиз учун ўз ҳисобидан боқмоқда", — деди Беларус президенти.

Лукашенко провокациялар ва Беларусни урушга тортишга уринишлар ёмон оқибатларга олиб келиши мумкинлигидан огоҳлантирди. Унга кўра, Беларусга нисбатан тажовуз бўлмаса, у Украинага қарши ҳарбий ҳаракатларга аралашмайди.