«ПСЖ» клубининг асосий акциядори Qatar Sports Investments (QSI) баскетбол тарихидаги энг машҳур ўйинчилардан бири Кевин Дюрант билан инвестиция ҳамда стратегик ҳамкорлик тўғрисидаги келишувни имзолади.
Америкалик спортчи клубнинг кичик акция пакетини харид қилган. Шу ҳафтанинг бошида QSI ва Кевиннинг шахсий инвестиция компанияси ҳисобланмиш Boardroom Sports Holdings акциялар хариди ва стратегик ҳамкорлик бўйича келишув имзолаб, Дюрантни Чемпионлар Лигаси амалдаги ғолибларининг расмий акциядори сифатида қабул қилди.
Бу ҳамкорлик доирасида томонлар тижорат, инвестиция ва медиаконтент яратиш бўйича кенг кўламли ташаббусларда ҳамкорлик қилади. Дюрант клубнинг АҚШ ва бошқа халқаро бозорлардаги ривожланиш стратегияси, PSG for Communities (клубнинг хайрия ва маблағ йиғиш бўлими) дастурини қўллаб-қувватлашда кўмаклашади.
Шунингдек, у «ПСЖ»нинг бир қанча спорт турлари бўйича стратегияси, жумладан, келажакдаги баскетбол лойиҳалари юзасидан ўз мутахассислик маслаҳатларини беради.
Маҳмуд Мурадов чехиялик моделнинг қўлини сўради
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Месси: "Криштиану Роналдуга қойил қоламан"
