«Барселона» президенти Жоан Лапорта Чемпионлар лигаси 1/4 финали доирасидаги «Атлетико»га қарши баҳслардаги ҳакамликни кескин танқид қилди. Каталония жамоаси икки ўйин натижасига кўра (0:2, 2:1) мусобақани тарк этди.
«Атлетико»ни ярим финалга чиққани билан табриклайман. Аммо бу кечаги шармандали ҳакамлик ва ВАР ишини оқламайди, буни қабул қилиб бўлмайди.
Биринчи ўйинда бизнинг фойдамизга тоза пенальти белгиланмади, шунингдек, футболчиларимиздан бири майдондан четлатилди, ваҳоланки у фақат сариқ карточкага лойиқ эди — Жулиано тўпни назорат қилмаётганди. Ҳакам аввалига буни тўғри аниқлади, аммо кейин ВАР аралашди ва у қарорини ўзгартириб, қизил карточка кўрсатди.
Ушбу қарама-қаршиликда ҳакамларнинг қарорлари бизга катта зарар етказди, жавоб ўйинида ҳам шундай бўлди. Кунде тўпга осонлик билан етиб олиши мумкин бўлган вазиятда ўйинчимизни четлатишди, Эрик охирги ҳимоячи эмасди. Ҳакам сариқ карточка кўрсатди, бу тўғри қарор эди, лекин ВАР уни қарорини ўзгартиришга мажбур қилди. Яна бир хато.
Ферраннинг голи инобатга олиниши, Ольмога нисбатан эса пенальти белгиланиши керак эди. Ферминга нисбатан бўлган агрессияни эса... хоҳлаганингизча баҳоланг. Бунга чидаб бўлмайди, жароҳатини тикишаётганда у роса азобланди, бу ақлга сиғмайди.
Биз шикоят қилдик ва бизга бу қабул қилиниши мумкин эмаслигини айтишди. Энди биз бунинг сабабини тушунтиришларини сўраяпмиз. Юсте яна бир шикоят берилишини айтди. Кеча бизга нисбатан қилинган ишларни қабул қилиб бўлмайди. Бу чидаб бўлмас ҳолат, бу — шармандалик», — деди Лапорта.
Жавоҳир Синдаров ва ижтимоий тармоқларни портлатган сурат
АҚШ Ҳусановдан ҳайратда!
Роналду бўлди, футболни тугат!
