«Барселона»нинг Ла Лигадаги имконияти кескин ошиб кетди

Opta мутахассислари жамоаларнинг Испания Ла Лигаси чемпионлигини қўлга киритиш имкониятларини ҳисоблаш учун суперкомпьютерни ишга туширди. Маълум бўлишича, чемпионлик учун энг катта имконият "Барселона"да. Ҳисоб-китобларга кўра, Ханс-Дитер Флик жамоаси 62,55 фоиз эҳтимол билан Ла Лига чемпионлигини ҳимоя қилади.

"Реал"нинг чемпионлик учун имконияти анча паст - 31,4 фоиз. Кучли учликни 2,97 фоиз кўрсаткич билан "Атлетико" якунлаб берди.

Эслатиб ўтамиз, "Барселона" 7-тур якунларига кўра Ла Лига турнир жадвалида пешқадамга айланиб олди. Ханс-Дитер Флик жамоаси 19 очко жамғариб, иккинчи ўриндаги "Реал"ни бир очкога ортда қолдирмоқда.