"Барселона" марказий ҳимоячиси Англияга қайтиши мумкин

"Барселона" марказий ҳимоячиси Андреас Кристенсен Англияга қайтиши мумкин.

Даниялик футболчи август ойидан буён жароҳатлар туфайли майдонга тушмаяпти. El Nacional нашрининг Transfer News Live'га таяниб берган маълумотига кўра, "Тоттенхэм" "Челси"нинг 28 ёшли собиқ футболчиси трансфери учун 12,5 млн фунт (тахминан 15 млн евро) тўлашга тайёр. "Барселона" марказий ҳимоячи бўйича таклифларни бажонидил кўриб чиқади.

Андреас Кристенсен 2022 йилнинг ёзида эркин агент сифатида Каталония клубига ўтган эди. Апрель ойида 29 ёшга тўладиган футболчининг шартномаси 2026 йилнинг ярмигача мўлжалланган.