"Барселона" афсонаси молиявий фирибгарликда гумон қилинмоқда

"Барселона" собиқ футболчиси Андрес Иньеста молиявий фирибгарлик ишида гумонланувчи деб топилди.

Бу ҳақда "El Pais" хабар берди.

Афсонавий испан Перудаги молиявий фирибгарлик бўйича терговнинг асосий иштирокчиларидан бирига айланди. Ҳуқуқни муҳофаза қилиш органлари футболчининг "Never Say Never" компанияси ва унинг шўъба корхонаси "NSN South America" устидан тергов олиб бормоқда.

Перу прокуратураси афсонавий испанияликнинг номидан кўнгилочар тадбирларга сармоя жалб қилиш учун фойдаланилган деб ҳисоблайди, лекин уларнинг аксарияти муваффақиятсизликка юз тутган. Натижада маҳаллий тадбиркорлар 600 000 доллардан ортиқ зарар кўрган.

Бундан ташқари, "NSN South America" банкротлик эълон қилди. Иньеста ҳали вазият бўйича изоҳ бермади.