"Барселона" афсонаси Андрес Иньеста фирибгарликда гумон қилинмоқда

Каталониянинг "Барселона" клуби ва Испания терма жамоаси собиқ футболчиси Андрес Иньеста фирибгарлик схемаларида иштирок этганликда гумон қилинмоқда. Бу ҳақда ESPN хабар берди.

Манбанинг маълум қилишича, "кўк-анорранглилар" афсонаси Перу прокуратураси томонидан тергов қилинмоқда. Иньестанинг фирибгарлик схемасида иштирок этиши натижасида бир нечта тадбиркорлар 600 минг доллардан ортиқ зарар кўрган. Андреснинг обрўси тадбиркорларни аксарияти ўтказилмаган спорт ва мусиқий шоуларни молиялаштиришга ишонтириш учун ишлатилган.

Иньеста фаолиятининг кўп қисмини "Барселона"да ўтказган. Кейин у "Виссел Кобе" ва "Эмирейтс"да ўйнади.