"Барса" дарвозабони - чекиши ҳақида: "Мендан ўрнак олманглар"

"Барселона" дарвозабони Войцех Шесни чекиш билан курашда мағлуб бўлганини айтиб, бошқаларни ундан ўрнак олмасликка чақирди.

35 ёшли Шесни мавсум бошида клубга қўшилиш учун фаолиятини тиклаганидан сўнг "Барселона" мухлисларининг севимлисига айланди. Дарвозабон ўзининг ёмон одати борлигини очиқчасига тан олишини инобатга олган ҳолда, мухлислар Каталония жамоасининг ўйинларида мунтазам равишда "Шесни кашанда" деб ҳайқиришади.

"Чекиш ҳақида гап кетганда, илтимос, менга эргашманг ва бундан қилманг. Мен бу курашда ютқаздим. Менга жуда салбий таъсир кўрсатадиган бу нарса менга жуда ёш пайтимда одат бўлиб қолган.

Замонавий футболчилар учун чекиш ёки ичиш ҳақида очиқчасига гапириш одатий ҳол эмас. Бироқ мен бу борада ростгўйман, чунки мен сиёсатчи эмасман. Мен шунчаки дарвозабонман. Тўпни ушлашим ва тепишим керак", – деди Шесни.