Баҳрайн АҚШ иқтисодиётига тахминан 17 миллиард доллар сармоя киритмоқчи.
Бу ҳақда бош вазир, қироллик валиаҳд шаҳзодаси Салмон бин Ҳамад бин Исо ал-Халифа Оқ уйда АҚШ президенти Дональд Трамп билан учрашувда маълум қилди.
"Биз АҚШга келадиган 17 миллиард долларлик битимларни эълон қилишдан мамнунмиз. Ва бу ҳақиқат. Бу ҳақиқий пул, уйдирма келишувлар эмас", - дея таъкидлади у қандай лойиҳалар ҳақида гапираётганига аниқлик киритмасдан. Баҳрайн валиаҳд шаҳзодаси Трамп билан музокаралар чоғида “хавфсизлик, савдо ва сармоя билан боғлиқ масалаларни” муҳокама қилишни режалаштираётганини айтди.
