Австралия Укаринага ёрдам қилган танклар Польшада чанг босиб ётмоқда

Украина ҳарбийлари учун мўлжалланган M1A2 Abrams танклари Польшада тиқилиб қолди, деб ёзади National Interest.

"Бир пайтлар Польшада фашистлар танклари бўш ўтирган эди, энди эса шунга ўхшаш сценарий юзага келиши мумкин. Австралия томонидан совға қилинган М1 Abrams жанговар танклари тўғридан-тўғри Украинага жуда зарур бўлган жойга юборилмасдан, шу баҳорда Польшада қолиб кетиши мумкин", дейилади мақолада.

Кузатувчи таъкидлаганидек, австралиялик зирҳли машиналар аллақачон Польшада, бироқ Америка маъмуриятининг ҳаракатлари туфайли текшириш жараёнининг чўзилиши уларни етказиб беришга тўсқинлик қилмоқда.

"Ҳозирча Польшадаги бу танклар чанг босиб ётади", — дея хулоса қилди нашр муаллифи.

Ўтган йилнинг 17 октябрь куни Австралия ҳукумати Украинага 164 миллион долларлик янги ҳарбий ёрдам пакетини жўнатишини эълон қилди ва бу ёрдамнинг умумий миқдорини 1 миллиард долларга оширди. Хусусан, янги ҳарбий ёрдам пакети Киевга фойдаланишдан чиқарилган 49 та Америка М1А1 Abrams танкларини етказиб беришни ўз ичига олади.