Австралия полицияси Сиднейнинг жануби-ғарбий чеккасида теракт уюштиришни режалаштирганликда гумон қилинган етти нафар эркакни ҳибсга олди.
Бу ҳақда ABC радиоси Янги Жанубий Уэльс полиция департаментидаги манбага таяниб хабар берди.
Терговчиларнинг фикрича, 18 декабрь куни қўшни Виктория штатидан Сиднейга келган эркаклар “экстремистик мафкурани қўллаб-қувватлайдилар” ва “зўравонлик ҳаракатини режалаштирганлар”.
Штат полицияси комиссари ўринбосари Дэвид Хадсон “еркакларни тинтув қилиш чоғида топилган ягона қурол пичоқ бўлиб, ўқотар қурол йўқлигини” маълум қилди.
"Бизда улар Бонди пляжига ташриф буюриш ниятида бўлганига оид баъзи далиллар бор. Биз уларни ҳибсга олишга қарор қилдик, чунки ўтган якшанба куни Сиднейда содир этилган ваҳшийликлардан сўнг, биз ҳеч қандай таваккал қилмаймиз ва улар нима қилишларини кўрмоқчи эмасмиз", деди у.
Минг афсус! АҚШдаги отишмада ўзбек талаба ҳалок бўлди
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
