«Арсенал»нинг АПЛда чемпион бўлиш имконияти юқорилаб кетди - Opta

"Арсенал" Opta талқинига кўра АПЛнинг асосий фаворити мақомини янада мустаҳкамлади.

Жамоа жадвалда пешқадамликни давом эттириб, "Манчестер Сити"дан уч очко, "Ливерпуль"дан тўрт очко олдинда турибди.

Opta суперкомпьютери мавсумнинг қолган қисмини 10 000 марта симуляция қилди ва натижаларнинг 51,74 фоизида "тўпчилар" ғолиб бўлишди. "Ливерпуль"нинг имкониятлари 8-турда "Манчестер Юнайтед"га ютқазгандан сўнг (1:2) 21,61 фоизгача тушиб кетди.

"Ман Сити"нинг чемпионликка эришиш эҳтимоли 16,7 фоиз, "Челси"ники - 4,05 фоиз, "Кристал Пэлас"ники - 1,57 фоиз, "Борнмут"ники - 1,07 фоиз, "Астон Вилла"ники - 0,92 фоиз, "Ньюкасл"ники - 0,63 фоиз, "Тоттенхэм"ники - 0,45 фоиз, "Манчестер Юнайтед"ники эса 0,15 фоиз деб баҳоланди.