"Арсенал"га қарши ўйинда "Реал"нинг икки футболчиси жароҳат олди

Лондоннинг "Арсенал" клубига қарши ўйинда (0:3) Мадриднинг "Реал" клубининг бирйўла икки футболчиси соғлиғида муаммолар кузатилди.

Гап Давид Алаба ва Федерико Вальверде ҳақида кетмоқда. Австриялик футболчи учрашувнинг 79-дақиқасида захирага олинди, уругвайлик футболчи эса ўйин охирига қадар ўйнади. Журналист Гильермо Райнинг маълум қилишича, иккала футболчи ҳам мушакларида ноқулайлик сезмоқда, аммо "Реал"дагилар жароҳатлар аҳамиятсиз эканини тахмин қилмоқда. Тез орада қўшимча тиббий кўриклар ўтказилади.

13 апрель, якшанба куни Карло Анчелотти жамоаси Ла Лигада "Алавес"га қарши баҳс олиб боради. Уч кундан кейин "Арсенал" билан жавоб учрашуви бўлиб ўтади.