Арманистоннинг Евроосиё иқтисодий иттифоқидаги иштироки тўхтатилиши мумкин

Беларусь президенти Александр Лукашенко, Қозоғистон президенти Қосим-Жомарт Тўқаев, Қирғизистон президенти Садир Жапаров ва Россия президенти Владимир Путин Арманистоннинг Евроосиё иқтисодий иттифоқидаги аъзолиги билан боғлиқ вазият юзасидан қўшма баёнот имзолади.

Ҳужжатда Арманистонга нисбатан Евроосиё иқтисодий иттифоқи тўғрисидаги шартнома амалини тўхтатиб туриш эҳтимоли ва бунинг оқибатлари баҳоланиши қайд этилган.

Бунга Арманистоннинг Европа Иттифоқи билан яқинлашишга қаратилган сиёсати сабаб қилиб кўрсатилмоқда. Хусусан, 2025 йилда Арманистон парламенти мамлакатнинг Европа Иттифоқига қўшилиш жараёнини бошлаш ҳақидаги қонунни қабул қилди ва у президент томонидан имзоланди. Шунингдек, 2026 йил 5 майда Арманистон ва Европа Иттифоқи саммити якунлари бўйича қабул қилинган қўшма декларацияда Ереваннинг Европа интеграциясига интилиши қўллаб-қувватланди.

Мазкур ҳолатга жавоб сифатида Арманистонга нисбатан Евроосиё иқтисодий иттифоқи шартномаси амалини тўхтатиб туриш масаласи кўриб чиқилиши мумкин.