Арманистон Миллий мажлисида ҳокимият ва мухолифат вакиллари ўртасидаги сиёсий тортишув оммавий муштлашув билан якунланди. Оқибатда парламент мажлисини вақтинча тўхтатишга тўғри келди.
29 октябрь куни ҳукмрон «Фуқаролик шартномаси» партияси депутати Тарон Чахоян нутқ сўзлаётган вақтда мухолифатдаги «Кучли Арманистон» фракцияси раҳбари Нарек Карапетян билан баҳслашиб қолган.
Ўзаро ҳақоратлар ва кескин тортишув ортидан бошқа депутатлар ҳам жанжалга қўшилган. Вазият назоратдан чиқиб, парламент залида муштлашув бошланган.
Мажлисга раислик қилган Рубен Рубинян дастлаб танаффус эълон қилишдан бош тортиб, содир бўлаётган воқеаларни ҳамма кўриши кераклигини айтган.
Бироқ депутатлар ўртасидаги тўқнашув кучайиб, иштирокчилардан бири ерга йиқилгач, мажлис вақтинча тўхтатилган.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
АҚШнинг Россия бўйича қарори Киевнинг умидларини пучга чиқарди
