Аргентиналик қутқарувчилар Вилья-Хесель шаҳридаги 10 қаватли турар-жой меҳмонхонаси қулаган жойда қидирув-қутқарув ишларини олиб бормоқда. Камида етти киши вайроналар остида қолиб кетган.
Бу ҳақда TN телеканали маълум қилди.
Қутқарувчилар бир неча жабрланганлар билан боғланишга муваффақ бўлишди. Ҳозирда ўлимлар ҳақида маълумот йўқ.
Бино 01:30 да қулаб тушган. Дастлабки маълумотларга кўра, ҳодиса вақтида меҳмонхонада меҳмонлар кам бўлган. Қулаш оқибатида қўшни бинолар ҳам зарар кўрган.
Икки ой олдин шаҳар ҳукумати меҳмонхона эгаларига рухсат этилмаган бинога ўзгартиришларни тўхтатишни буюрган.
